ఓటింగ్ విధానంలో సరికొత్త విప్లవం - ఈవీఎం వీవీపీ ప్యాట్​ రూపొందించిన యువ ఇంజినీర్లు

Description

<p>EVM VV Pat Innovation : నెక్ట్స్ జనరేషన్ ప్రొటోటైప్ ఓటింగ్ మిషన్స్​ను జి.నాగేశ్వర్ రావు, ఉమా మహేశ్వర్ రావు, శివ ప్రసాద్ అనే ముగ్గురు యువకులు కనుగొన్నారు. ఇప్పుడున్న ఓటింగ్ మిషన్ కంటే మెరుగైన ఫీచర్స్​తో వీటిని రూపొందించినట్లు నాగేశ్వర్ రావు చెప్పారు. హైదరాబాద్​లోని సోమాజీగూడ ప్రెస్​క్లబ్​లో మీడియా సమావేశం నిర్వహించి ఈవీఎం వీవీపీ ప్యాట్ పనితీరును వివరించారు. తాము కనుగొన్న ఈ మిషన్ పారదర్శకంగా పని చేస్తుందని, వయోజనుల ఓటింగ్​కు న్యాయం జరుగుతుందని వారు విశ్వాసం వ్యక్తం చేశారు.</p><p>ఈవీఎం మెషీన్ భౌతికంగా ప్రింట్ అయ్యే పేపర్​ను వీవీ ప్యాట్​ అంటారు. దీంట్లో ఏ పార్టీకి ఓటు వేస్తే ఆ పార్టీకి ఓటు వేసినట్టు కనిపిస్తుంది. సుప్రీంకోర్టు లేదా గవర్నమెంట్ అఫిలేట్ ప్రకారం 5 శాతం మాత్రమే లెక్కిస్తాం. మిగతా 95 శాతం ఏం జరుగుతుందో ప్రజలకు తెలియదు. అన్ని ఓట్లు ఒకే దగ్గర వేయడం వల్ల 7 సెకన్ల తర్వాత కట్​ అయి పడిపోతున్నాయి. ఫలితాలు వచ్చినపుడు ఏ పార్టీకి సంబంధించిన డిజిటల్ ఖాతా వాటికే ఉండి డిస్​ప్లేలో కనిపిస్తుంది. వీవీపీ ప్యాట్​లో ఓటు వేసినపుడు క్యాండిడేట్​ లేదా పార్టీకి సంబంధించిన రోల్​లో ప్రింట్​ అవుతుంది. ఫలితాలు ప్రత్యేకంగా లెక్కించాల్సిన పని లేదు. - జి. నాగేశ్వర్ రావు, ఇంజినీర్</p>